Ang PRA ay isang proyekto ng pamahalaan na nag-iimbita ng mga dayuhan at
mga dating Pilipinong nakakuha na ng foreign citizenship, na manirahan sa
Pilipinas. Ayon kay Atty. Nevette Umali-Paco, General manager at executive
director ng PRA, ang perang maipapasok nito ay inaasahang makatutulong sa
pag-unlad ng ekonomiya at ang mga dayuhang makatutupad sa mga batayan nito
ay hinihikayat ding mamuhunan sa Pilipinas. Binigyang diin ni Atty. Paco
ang paanyaya lalong higit sa mga Hapon na tulad ng mga Pilipino ay may
mahigpit na pagpapahalaga sa sa mga kaibigan at pamilya.
Age/Deposit Requirement
Kung ang aplikante ay:
1) 50 yrs. old o higit pa - kinakailangang deposito: $50,000
2) 35-49 yrs. old - kinakailangang deposito: $75,000
3) Former / Overseas Filipino - Walang kailangang deposito, at application
fee at ibang miscellaneous fee lamang ang babayaran.
Ang mga nabanggit na halaga ay kailangang i-time deposit sa mga
awtorisadong bangko sa loob ng 6 na buwan.
Ang mga kuwalipikado sa programang ito ay mabibigyan ng permanent visa at
iba pang benepisyo at makakapanirahan sa Pilipinas, sa mga condominium na
may magagandang pasilidad tulad ng mga nasa larawan. Para sa mga detalye,
magsadya sa PRA office: 2F First bank Bldg., 371 G. Puyat Ave., Makati,
Metro Mla. o sa kanilang marketer dito sa Japan: Forest Co. 03-3490-7865,
at iba pang condominium na nag-aanyaya sa mga Hapong nais manirahan o
mag-invest sa Pilipinas, tulad ng: The Elysium 045-322-7555, Hinggil naman
sa visa, maaaring magtanong sa Phil. Embassy.